حلقة جديدة من نفس المسلسل القديم !

نقدم لكم بكل حزن حلقة جديدة من نفس المسلسل القديم الذى أتعس الملايين

البداية : تتر الحلقة ( تكبيرات و صراخ ووجوه غاضبة )

المشهد الأول

التاريخ : 15/12/2007

فى منتصف صيام الأقباط ..

و قرب بداية السنة الجديدة ..

وأعياد الميلاد …

الزمان : ليل خارجى

الموقع : إسنا – قنا

الجو العام : ذعر ورعب وكأبة

الاحداث :

مشهد مكرر يقوم فيه ألاف من المجاميع بالخروج هاتفين بالتكبرات وشعارات الجهاد ، يهاجمون كنيسة السيدة العذراء بالبلدة بالحجارة و كور النار صارخين “بالطول بالعرض حنجيب الكنيسة الأرض ” ونرى بالداخل أصداء الرعب على المصلين الاقباط الذين كانوا يصلون صلوات شهر كيهك القبطى التى تسبق العيد – أطفال يرتعدون فى أحضان أمهاتهم وأمهاتهم أنفسهم منهارين من الرعب و الرجال يبعدون النساء عن الشبابيك التى يتناثر زجاجها مع الحجارة القادمة من الخارج فى كل مكان

نشاهد لقطة كلوز على وجه رجل منفعل داخل الكنيسة يمسك بتليفونه محمول وهويصرخ

– أيه اللى بيحصل بره يا جرجس ؟؟؟

فيرد الإخرعلى التليفون

– البلد مولعة والدنيا هايصة المسلمين بينهبوا محلاتنا وبيحرقوها ، أوعوا تخرجوا من الكنيسة وترجعوا البيت ليقتلوكوا

يصرخ الرجل

– نتنيل نخرج فين دول محاصرين الكنيسة .. وعايزين يخشوها .. وبيحاولوا يحرقوها وإحنا فيها .

ينقطع الخط و نراه يحاول الإتصال بشخص أخر ..

فى الخلفية نسمع إبتهلات حارة من المجاميع الأقباط المذعورين داخل الكنيسة :

يا عدرا يا أم النور غيتينا

يا يسوع

يا رب إرحم

نرى الشخص بداخل الكنيسة ينجح فى الإتصال بأحدهم و يصرخ فيه :

– أنت فين يا سعد ؟ إيه إللى بيحصل ؟؟

فيرد سعد بنفس متسارع وصوت متقطع

– معرفش يا وليم الدنيا قايمة علينا ، المسلمين شغالين حرق وتكسير وضرب دلوقتى فى شارع البحر وشارع الراعى … أنا فى البيت مستخبى أنا والعيال ..

فيرد عليه الشخص داخل الكنيسة

– أيه السبب فى ده كله متعرفش يا سع…

و قبل أن يكمل كلامه تظلم الكنيسة ،لقد تم قطع التيار الكهربائى عنها

يصرخ الرجل سعد النور قطع عندنا

فيرد سعد

– و قطع عندنا إحنا كمان ده كده البلد كلها ضلمت

(مع إنقطاع الكهرباء يعلو صوت الصرخ والنحيب داخل الكنيسة ويزداد ذعر الموجودين بها و يظلم المكان إلا من ضوء الشموع يحاول الكاهن تهدئة الناس و يطلب منهم الهدوء ورفع القلوب إلى الله

فى الخارج تعلو أصوات المجاميع الصارخة خارج الكنيسة

الله أكبر

الله أكبر

ألهم إنصرنا على القوم الكافرين

بعد دقائق يأتى شخص ملتحى تبدو عليه سمات القيادة للمتجمهرين فى الخارج ويصرخ فيهم :

كفاية كده

الأمن المركزى جاى

سيبوكوا منهم

تعالو على محلاتهم ولاد الكلب وكل واحد يشيل اللى يقدر عليه ..

ينصرفون إلى أماكن إخرى مع قدوم عربات الامن المركزى السوداء

يهدأ الصراخ داخل الكنيسة و ينصرف الموجودين بداخلها تحت حماية الأمن و شباب الكنيسة

يصعقهم حجم الدمار والنيران بالخارج

يصرخ رجل عجوز أثناء خروجه

يا رب مد يدك و إرحمنا

يقضى الأقباط فى بيوتهم ليلتهم ساهرين فى رعب حتى فجر الاحد ..

المشهد الثانى

نهار خارجى

إسنا – قنا

الكاميرا تجوب المدينة التى تخربت و إحترقت محال الأقباط فيها و إمتلأت الشوارع ببقايا البضائع المنهوبة ،ثم نشاهد مشهد بانورامى لمبنى صغير مكون من غرفة واحدة تعلوها قبة و قد كسر الصليب الذى كان فوق القبة

( مزار الثلاثة شهداء الفلاحين بإسنا ) …

المشهد الثالث

نهار داخلى

المكان القاهرة – مبنى وزارة الداخلية

رتبة شرطية عليا توقع على بيان الداخلية المعتاد على الاحداث والذى يهون من الخسائر والأحداث..

لقطة أخرى لمكاتب صحفية ووكالات أنباء بالقاهرة يجتهد كتابها فى جلسات عمل دؤوبة لتبرير إجرام المعتدين ..

تنتهى الحلقة بتتر المسلسل ( جلسة الصلح العرفى) ونزول أسماء الأبطال مع شكر المخرج

لضيوف شرف الحلقة

( وزارة الداخلية و نواب الحزب الوطنى عن الدائرة )

و تنتهى الحلقة وسط صمت المشاهدين مسيحيين ومسلمين ..

………………

إن كنت من هواة الميلودراما و لم تكتفى بجرعة الكأبة السابقة أدعوك لزيارة الروابط التالية

http://halaelmasry2.blogspot.com/

http://www.alarabiya.net/articles/2007/12/16/43020.html

http://coptic-news.net/

http://freecopts.net/arabic/arabic/content/view/2806/1/

http://www.copts.com/arabic/index.php?option=com_content&task=view&id=1930&Itemid=1