عاوز نصيبى يا عمو


أخيراً وافق مجلس الشعب النهاردة برئاسة الدكتور أحمد فتحى سرور على مشروع قانون بتعديل بعض أحكام قانون حماية الآثار الصادر بالقانون رقم 117 لسنة 1983. بحيث يسمح القانون بالتجارة فى الآثار ،زى قانون  السماح بالتجارة فى العملة كده علشان كل حاجة تبقى على عينك يا تاجر . وربنا يسهل ويطلعوا قانون يسمح بالتجارة فى المخدرات.

بس احب أفكر سادة السياسات فى الحزب الوطنى أن أنا وافقت على بيع شوية الآثار بتاعت الفراعنة الكفرة ، لأ وكمان موافق على تصديرهم وبيعهم للخارج كمان يعنى مش بس تجارة داخلية .

وكتبت تدوينة تاريخية  بعنوان” يا عم بيع ” لإعلان موافقتى لمشروع قانون الاتجار بالآثار ولم تكن مجرد إعلان  لرأى ، بل كانت تدوينتى التاريخية هذه ممهدة  للقانون واشبه بمقالات الأستاذ عبد الله كمال فى روزاليوسف ، وأزعم أنه كان لها أثر عميق فى التأثير على إتجاهات الرأى العام فى مصر.

أرجوك يا عمو أنا وافقت أنك تبيع بس ما تنساش تدينى نصيبى.

ولو نويتوا تبيعوا الهرم أنا عندى مشترى ، ومش هنختلف على النسبة .

———————–

مجرد ملحوظة بايخة : هو ليه المجلس وافق على قانون التجارة بآثارمصر فى طرفة عين ، وهو بقاله خمسة وعشرين سنة معطل قانون الاحوال الشخصية للمسيحيين و مطنش من عشر سنين مشروع قانون بناء دور العبادة الموحد ، وقالف الدرج من أكثر من تلاتين سنة على توصيات تقرير العطيفى ؟؟!!

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: