يا عم بيع


ثلاثة أسابيع  ومازالت مهازل نجع حمادى المستمرة حتى الآن تأخذنى من اى شئ آخر ( مضروب على دماغى ) هو أدق تعبير .. صدمت اليوم بخبر من الواضح انه منتشر منذ ايام عن دراسة بمشورع قانون قدمها أحمد عز، أمين التنظيم بالحزب الوطنى، إلى وزارة الثقافة تهدف إلى السماح بالاتجار فى الآثار داخلياً !!!!!!!!!!!!

حقيقة لا يوجد كلام لأقوله ……..

وماذا يمكن قوله !!!!

يا عم بيع

وماله

يعنى الفراعنة هيكونوا ا أغلا من احفادهم اللى بيتباعوا كل يوم بالرخيص

وساعات كمان من غير فلوس خالص..

بيع يا عم  اللى باقى من مصر .. بيع

يمكن حظ الفراعنة يأخدهم لبلد ما بتغرقش فيها العبارات ولا بتقع فيها الجبال على الناس ولا بتولع فيها القطارت …

بلد لا فيها غول ولا كمونى ولا حزب وطنى …

بلد لا فيها مختلين عقلياً ولا ماس كهربائى ولا جرائم “” فردية “” ..

مؤكد ان الفراعنة كمان لما يتباعوا هيركبوا طيارت مكيفة نضيفة لبلاد برة ، مش زى احفادهم اللى بيركبوا مراكب صيد كل خمسين فى فلوكة بتغرق فى نص المسافة بين مصر وإيطاليا…

ياعم بيع ..

يعنى هى جت على الاثار بتاعت الفراعنة الكفرة .. ما الغاز إتباع والارض اتباعت ..

وحتى عمر أفندى اتباع على رأى رامى الإعتصامى ..

لا والمسخرة الحقيقة أن وزير الثقافة فاروق حسنى، وزاهى حواس، الأمين العام للمجلس الأعلى للآثار، أستنجدوا بنواب مجلس الشعب من المعارضة والمستقلين، لمنع تمرير مشروع القانون ……

لما وزير الثقافة اللى بقاله أكتر من عشرين سنة فى وزارة الثقافة يطلب من المعارضة والاخوان والمستقلين يقفوا معاه ضد الحزب الوطنى !!!!!!! بالذمة بعدها يتبقى كلام !!

بيع يا حزب يا وطنى … بيع

2 تعليقان

  1. على خيرة الله

  2. […] الكمونى, المسلمين, الاقباط, الحزب الوطنى, الغول « يا عم بيع كنتُ رئيساً..! » وسوم الموضوع« يا عم بيع كنتُ رئيساً..! […]

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: