أقباط اليونان نظموا مسيرة سلمية فى أكبر ميادين أثينا


الأقباط الأحرار

كتبها الأقباط الأحرار الخميس, 21 يناير 2010 16:16

نظم أقباط اليونان اليوم تظاهرة سلمية أمام مبنى البرلمان اليوناني في أكبر ميادين أثينا ( سينتاغما ) بدأت الساعة الثانية بعد الظهر ثم إتجهوا فى الساعة السادسة مساءً م إلى ميدان ( أُمونيا ) في وسط العاصمة أثينا

وقد تقدم الإكليروس القبطي المسيرة وشاركهم فيها أحد الآباء السريان ، وأيضاً أحد المطارنة اليونانيين أرسله رئيس أساقفة اليونان – نيابة عنه والذي ألقى كلمة رائعة عبرت عن مدى حب وارتباط شعبي الكنيستين القبطية واليونانية ومدى غضبهم مما يرتكبه بعض مسلمى مصر في حق الأقباط في موطنهم الأصلي مصر .
جدير أنه تم خلال هذه الوقفة توزيع مطبوعات باليونانية والعربية والإنجليزية على المارة الذين يصل عددهم أكثر من 300000 ثلاثمائة ألف ، ولا عجب لأن هذا الميدان عبارة عن مُلتقى عدة خطوط المترو – الذي يُعتبر الوسيلة الرئيسية للمواصلات داخل أثينا – وينزل في محطة ( سينتاغما ) الركاب كل عشرة دقائق ، مارين من خلال هذه الوقفة ،
هذا غير ما تم التعبيرعنه بالصوت – عن طريق مكبرات الصوت ، وأيضاً عن طريق شاشة العرض الكبيرة التى وضعها الأقباط وسط الميدان لتعرض المآسي التي يعاني منها أهاليهم الأقباط فى مصر. وقد حمل الشباب والأطفال والنساء الصور واللافتات التي تندد بالعدوان الإرهابى على أقباط مصر .
وقد قام أقباط اليونان بالإتصال بجميع الجهات الحكومية والأحزاب والقنوات التليفزيونية ، والجهات الحقوقية داخل اليونان ..

8 تعليقات

  1. رائع يا اقباط اليونان

  2. ان كان الرب معنا فمن علينا

  3. اللهم اهدى كل ضال ومشعل لفتنة طائفية فى بلدنا مصر
    طول عمرنا مصريين لا يوجد بيننا مسلمين ومسيحين بل يوجد فقط مصريين
    سحقا لكم يا مشعلى الفتنة فى اليونان
    وبارككى الرب يا مصر ومن عليكى
    مصريين فى مصريين
    حرام عليكم كفاية اشعال فى نار الفتنة الطائفية التى لن ولم تشتعل فى مصر

    • يا سلام

      متظاهرين اليونان الغاضبين لدماء وظلم اهلهم مشعلى الفتنة !!!!!!!!!!!!!!!!

      طيب أحب أعرف رأى حضرتك فى اللى بيقتوا الاقباط من اربعين سنة وآخرها نجع حمادى واللى بيحللوا دماء غير المسلمين وكمان اللى عمرهم ما حاكموا أو حاسبوا مسلم لأنه قتل أو سرق أو خرب ممتلكات مسيحى !!!

      وهل اللى بيحصل للاقباط ده كله ظلم ولا عدل ؟

      مستنى أجابتك

  4. احب اقلك ان فى قانون وعدالة فى بلدنا مصر
    والجناة ايا كانوا سيعاقبوا
    وبعدين امتى دة وكان فى حد بيسرق ولا بيقتل وفلت من العقاب
    الاقباط اخوة وزى ما قلتلك احنا كلنا مصريين انا اتربيت فى بيت قبطى واعز اصحابي قبطى عايز حاجة تانية
    كفاية ارجوك باركك الرب

  5. لا يا أخ ابو ناصر كتير أوى قتلوا اقباط ونهبوا اقباط وحرقوا بيوت وكنائس أقباط وعمر ما حد أتعاقب منهم بيوم حبس

    كفاية بس الكشح 21 مسيحى أتضربوا بالرصاص و واتمثل بجثثهم وأتحرق واتنهب كل ممتلكات وبيوت الاقباط فى الكشح ومفيش واحد أتعاقب ولا فيه قاتل اتعدم ، وغيرها كتير قوى فى العديسات والفيوم واسيوط وديروط ودلجا ودير مواس وعين شمس وأبو قرقاص والقوصية وبهجورة وإسنا وكنيسة القديسين فى إسكندرية، والزاوية الحمراء (الزاوية الحمارة لوحدها اكتر من مأئة مسيحى اتحرقوا أحياء يا اخ أبو ناصر ، بجد انت متخيل يعنى ايه اتحرقوا احياء ..

    وغيرهم كتير جداً ، أسمائم ملهاش آخر من سنة 71 ولحد النهاردة ومفيش مجرم أتعاقب.

  6. يا صاحب مدونة بصراحة احترم ردك ولو ان اكيد الحوادث اللى انت قلتها دى اتحقق فيها وظهر جناة
    بس احب اسالك سؤال ليه؟؟؟؟؟؟؟
    ليه منهديش الدنيا وزى ما انت فاكر الحوادث ليه منتاش فاكر المسلم اللى حاول ينقذ قبطي واتحرق والاقباط اللى حاولوا ينقذوا مسلم وغرقوا عارف ليه الناس دى عملوا كدة لانهم بصراحة وببساطة مفيش حد فيهم فكر ديانة التانى ده كل واحد فيهم بص للتانى على انه اخوه ولا زم يساعده
    وشكرا

    • لا يا ابو ناصر كل الجرائم دى وغيره اللاى مكتبتش أسمه انتهت بنهاية من التلاتة دول :

      1- عدم القبض على اى متهم وحفظ التحقيق لشيوع التهمة فى وقائع الاعتداء الجماعى على الاقباط من حرق ونهب وترويع.

      2- القبض على مسلمين وإجبار الأقباط على التصالح معاهم والتنازل عن كل حقوقهم فى جلسات عرب عرفية.

      3- البراءة لكل الجناة أو الحكم لمدة سنة مع إيقاف التنفيذ فى جرائم قتل !!!

      أنا مش ناسى المسلم اللى أتحرق علشان ينقذ قبطى ولا ناسى الاقباط اللى غرقوا علشان ينقذوا مسلم .. دا هى دى المحبة والاخوة اللى بكتب علشانها ..

      لكن هل وجود المحبة والاخوة ينفى ضرورة إقرار العدل والقصاص من أى مجرم يغلط ؟؟؟

      وهل وجود ملايين العائلات السعيدة ينفى وجود أمهات بيقتلوا أطفالهم أو أبناء بيقتلوا آبائهم !!!؟؟ وهل وجود الأم المخلصة الحنونة يشفع لأم قتلت أبنها علشان يخلى لها الجو مع عشيقها ؟؟!!

      لا يمكن انكر أن الكويس موجود لكن الوحش كمان موجود ، والمصيبة إن محدش بيحاول يوقفه عند حده ويحاسبه. وده بيديله الفرصة يكرر جرايمه وبيشجع غيره على نفس الافعال.

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: