المدونة بسمة


saaaaaaaaaa.jpgsaaaaaaaaaa.jpgقرأت على موقع عشرينيات تحقيق عن أصغر مدونة مصرية فعمرها 12 سنة و هى بنت مصرية جميلة  عينيها بتشع بالذكاء ، إسمها بسمة صابر و هى صاحبة مدونة فوووق صحصح و هى مدونة مرحة تتماشى مع شخصية و عمر صاحبتها التى تنبئ بداياتها فى الكتابة بكاتبة ناضجة متميزة مستقبلا إلى هنا و الامر طبيعى و مفرح لكن القنبلة التى فجرتها بسمة أنها لا تحب جماعة الاخوان المسلمون و تعد عرض باور بوينت تحاول أن تتخيل فيه شكل الحياة فى مصر إذا حكمها الاخوان ( لا سمح الله بس دى فكرة عبقرية فعلا )

البنت قالت كده  و عينك ما تشوف إلا النور من تعليقات الأخوان ومريديهم ، هجوم على البنت و تريقة عليها و على أخواتها و اللى يتهمها بأنها بنت عضو فى الحزب الوطنى و التانى الى يقول دى أنسة كبيرة و عمرها مش 12 سنة و اللى يقول دى عيلة أيش فهمها هى عظمة الأخوان و إللى بيدعوها أن دماغها متبقاش صفيحة نفايات لأخواتها !!!! ، وواحد تانى بيقارنها بالمدون المخضرم الأستاذ وائل عباس !!!!

بصراحة أتغظت جدا من كل الهجوم ده على بنت صغيرة و محاولة تحطيمها و وئدها فكريا لأنها قالت رأيها و سيبت  التعليق ده على الموضوع هناك

برافوا بسمة

أرسل هذا التعليق بواسطة : صريح أفندى
يا سنتها السودة بقى العيلة المفعوصة أعلنت أن الاخوان مش عاجبينها ، هجوووووووم يا رجال الجماعة فى خطر يلا بسرعة شوهوها و أتريقوا عليها و شككوا فى سنها و نوايها الحقيقة تجاه الامة و خليكوا وراها لحد ما تعلن توبتها ، هى دى ديمقراطية و روعة الجماعة اللى بيضحكوا علينا بيها ، صحيح مصر حيبقى شكلها أيه لو الأخوان حكموها يا ريت حد يجاوبنى
و لا يهمك منهم يا بوسى إنتى أنسانة رائعة و أنا يشرفنى أضيفك عندى فى مدوناتى المفضلة ، المستقبل ليكى ورينا أبداعاتك مدونتى بصراحة https://besara7a.wordpress.com/

و الحقيقة مش أنا لوحدى اللى دافعت عنها ناس كتير عملوا كده ، و كمان فعلا ضفتها عندى و ده شرف ليا لأن البنت دى بكرا حتبقى حاجة كبيرة قوى و خليكوا فاكرين.إلى الأمام يا بسمة و كل سنة و أنتى طيبة ، أوعى تخلى نقد أو هجوم يحبطك و أوعى تبطلى كتابة .

4 تعليقات

  1. ميرسي اوي

    انا بسمة وبشكرك جدا على الشكر الرائع ده

    وانت ما تتصورش اني بفرح ازاي لما حد بيعمل معايا كده

  2. صديقنا الصريح

    كم اسعدتني حياديتك و اهتمامك

    و تخصيصك مساحة قلت كانت او كبرت

    لاجل عن تكتب عنها

    عن بسمة .. التي لم تفهم بعد ان للحرية قيودا

    قيودا وضعها من يطالبون بها

    ثم نعجب

    ان يصل حالنا الى ماهو عليه

  3. اهلااااااا يا بسمة إزيك
    أخبار الحياة معاكى أيه
    المدونة نورت و فوووقت و صحصحت بقدوم حضرتك
    لا شكر على واجب يا ستى و انتى اللى متتصوريش فرحتى بتعليقك أد ايه،أهلا بيكى و بتعليقاتك دايما
    و فى أنتظار روايتك القادمة بعد ( قصة طبيب)
    نصيحتى لكى أن تقرأى كتير و تكتبى كتير
    و اهلا بيكى دايما

  4. الأخت الحبيبة منة الله
    أهلا بيكى فى مدونتى و أنا حقيقة لا أعرف كيف أجيبك على تعليقك فقد اوجزتى كل ما يدور بخاطرى حول الحرية المفقودة فى بلادنا التى يحاربها البعض و يناصرها البعض الأخر و حتى مناصيرها منقسمين بين من يراها هدف يناضل من أجله لينعم بثماره المصريين جميعا و بين من يراها مجرد وسيلة تكتيكية مرحلية يصل بها لمأربه ثم ينقلب عليها بعد ذلك إلى غير رجعة،
    سعيد بتعليقك و أرجو الا تبخلى على بأرائك الصريحة فيما أكتب
    و شكرا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: